Nokia Lumia 720 — სმარტფონი, რომელიც შემუშავებულია კომპანია Nokia-ს მიერ. მუშაობს საოპერაციო სისტემა Windows Phone 8-ზე. აპარატი ანონსირებული იყო ქალაქ ბარსელონაში, 2013 წლის 25 თებერვალს. სმარტფონი აღჭურვილია 1 გიგაჰერციანი ორბირთვიანი პროცესორითა და 4,3 დუიმიანი ეკრანით, რომელიც შესრულებულია IPS ClearBlack-ის ტექნოლოგიით. ეკრანისთვის დამახასიათებელია მაღალი მგრძნობიარობა, რის ხარჯზეც შესაძლებელია მისი მართვა ხელთათმანებში. ეკრანი დაფარულია დამცავი მინით Gorilla Glass 2-ით. ტელეფონს აქვს Qi-ის სტანდარტის ინდუქციური დამუხტვის მხარდაჭერა. აქვს 6,7 მეგაპიქსელიანი ფოტოკამერა Carl Zeiss-ის ლინზით და 8 გიგაბაიტიანი მეხსიერება, რომლის გაზრდა შესაძლებელია 64 გიგაბაიტიანი microSD ტიპის ბარათით. გააჩნია პოლიკარბონატიანი მონოლითური კორპუსი. აქვს აგრეთვე ფრონტალური კამერა. წონა 128 გ.
ნოკია — კომუნიკაციებისა და საინფორმაციო ტექნოლოგიების ფინური ტრანსნაციონალური კორპორაცია, რომლის სათავო ოფისი ფინეთის დედაქალაქჰელსინკისთან ახლოს, ქალაქ ესპოოში მდებარეობს.[1] მისი კუთვნილი კომპანია Nokia Solutions and Networks აწარმოებს სატელეკომუნიკაციო ქსელების აღჭურვილობასა და სერვისს.ინტერნეტ-მომსახურება, მათ შორის აპლიკაციები, თამაშები, მუსიკა, მედია, შეტყობინენები და უფასო ციფრული რუკები დასანავიგაციო მომსახურება კი მთლიანად მის მფლობელობაში მყოფი ქვედანაყოფის — Navteq-ის ხელშია.
2012 წლის მონაცემებით, მსოფლიოს 120 ქვეყანაში ნოკიას დასაქმებული ჰყავდა 101 982 ადამიანი, პროდუქტს ყიდიდა 150-ზე მეტ ქვეყანაში და წლიური შემოსავლის სახით დაახლოებით 30 მილიარდ ევროს იღებდა.[2] 2012 წლის ბოლო მეოთხედში, ნოკია მობილური ტელეფონების მეორე უმსხვილესი მწარმოებელი იყო მსოფლიოში გაყიდვების თვალსაზრისით (სამსუნგის შემდეგ) და მსოფლიო ბაზრის 18.0%-ს იკავებდა.[3] ამჟამად კი ნოკია სმარტფონების ბაზრის მხოლოდ 3,2%-ს იკავებს.[4] 2013 წლის ბოლო მეოთხედში კომპანიამ მობილური ტელეფონებიდან შემოსავლების 40% დაკარგა. კომპანია ნოკია შეზღუდული პასუხისმგებლობის ღია საზოგადოებაა, შეტანილია ჰელსინკისა და ნიუ-იორკის სააქციო ბირჟებზე.[5] Fortune Global 500-ის თანახმად, 2013 წლის მონაცემებით, ნოკია შემოსავლების თვალსაზრისით მსოფლიოში 274-ე უმსხვილესი კომპანიაა.[6]
1998-2012 წლებში ნოკია მობილური ტელეფონების უმსხვილესი გამყიდველი იყო მსოფლიოში.[3] თუმცა, 2007 წლიდან კომპანიის საბაზრო წილმა თანდათან კლება იწყო, რისი მიზეზიც სხვა მწარმოებლების სენსორულ სმარტფონებზე მოთხოვნის ზრდა გახდა. ასეთი მწარმოებლები ძირითადად იყო Apple და მისიiPhone, ასევე კომპანია Google-ის ოპერაციულ სისტემა Android-ზე მომუშავე სხვა მოწყობილობები. 2007 წლის ბოლოს კორპორაციის ფასი 40 მილიარდი აშშ დოლარი იყო, 2012 წლის შუაში კი მხოლოდ 2 მლრდ.[7][8] დაკარგულის ანაზღაურების მიზნით, 2011 წლის თებერვალში ნოკიამ მაიკროსოფტთანსტრატეგიული პარტნიორობის დაწყების შესახებ განაცხადა. შედეგად, ნოკიას ყველა სმარტფონში ოპერაციული სისტემა Symbian-ი მაიკროსოფტის Windows Phone-მა შეცვალა.[9] ამის შემდეგ, ნოკიას სმარტფონების გაყიდვები, რაც მანამდე იზრდებოდა, დრამატულად დაეცა.[10] 2011 წლის დასაწყისიდან 2013 წლამდე ნოკიამ დაკარგა მსოფლიოში სმარტფონების უმსხვილესი გამყიდველის პოზიცია და ამ სეგმენტში რიგით მეათემდე დაეშვა.[11]
2013 წლის 2 სექტემბერს კომპანია მაიკროსოფტმა გაასაჯაროვა თავისი განზრახვა ნოკიას მობილური ტელეფონების ბიზნესის შეძენის შესახებ, რაშიც ის 5,44 მილიარდ ევროს (7,17 მლრდ აშშ დოლარი) იხდიდა. შეთანხმებისას, მაიკროსოფტის მხარეს შეუერთდნენ ნოკიას ყოფილი აღმასრულებელი დიორექტორი სტივენ ელოპი და მაიკროსოფტის სხვა აღმასრულებელი პირები.[12][13]
მრავალი მედიასაშუალების ცნობით, 2014 წლის 24 თებერვალს გასამართი Mobile World Congress-ის წინ, ნოკია გეგმავს თავისი პირველი ანდროიდ-სმარტფონის, Nokia X-ის გამოშვებას.[14][15]
Samsung Galaxy Note II
- კომპანია სამსუნგის მობილური ტელეფონი, რომელიც თავის თავში პლანშეტური კომპიუტერისა და კომუნიკატორისთვისებებს აერთიანებს და ანდროიდის ოპერაციულ სისტემაზე მუშაობს. სხვა კომუნიკატორებისგან გამოირჩევა დიდი ეკრანით (5,55 დუიმი ანუ 151 მმ) და S Pen-ით, რომელთაც სპეციალური პროგრამული უზრუნვლყოფა ესაჭიროება. აპარატი Samsung Galaxy Note-ის პირდაპირი მემკვიდრეა. აღჭურვილია Samsung Exynos 4412-ის ოთხბირთვიანი პროცესორით და 1600 მგც ტაქტური სიხშირით. ეკრანის გადაწყვეტაა 1280×720; ტელეფონს აქვს 2 გბ ოპერატიული მეხსიერება, 8-მეგაპიქსელიანი კამერა, რომელსაც შეუძლია Full HD 1080p ვიდეოგადაღება; წინა კამერა კი 2-მეგაპიქსელიანია და ვიდეოზარებისთვის არის განკუთვნილი.
No comments:
Post a Comment